Séreignarsparnaður - skattfrjáls ráðstöfun

Greiðsla séreignarsparnaðar inn á húsnæðislán eða húsnæðissparnað

Skattfrjáls ráðstöfun 

Skattfrjálst úrræði ríkisstjórnarinnar hefur verið framlengt um 2 ár og nýtt úrræði vegna fyrstu kaupa hefur verið samþykkt.

Heimild launþega til að greiða séreignarsparnað skattfrjálst inn á húsnæðislán hefur verið framlengd um tvö ár eða fram til 30. júní 2019 en upphaflega heimildin var frá 1. júlí 2014 til 30. júní 2017.

Þann 1. júlí 2017 tóku gildi ný lög um stuðning til kaupa á fyrstu íbúð. Með lögunum var eldri tímabundin heimild um skattfrjálsa nýtingu séreignasparnaðar framlengd samhliða því að stuðningnum var töluvert breytt. Fyrstu kaupendum er heimilt að nýta séreignarsparnað sinn, skattfrjálst, til allt að 10 ára samfellt vegna kaupa á fyrstu íbúð.

Boðið er upp á þrjár leiðir til að nýta séreignarsparnaðinn:

  1. Sparnaðarleið
    Verja uppsöfnuðu iðgjaldi til útborgunar á fyrstu íbúð (sem safnast hefur frá júlí 2014)
  2. Höfuðstólsleið
    Ráðstafa iðgjaldi reglulega inn á höfuðstól húsnæðisláns
  3. Blönduð leið
    Nýta iðgjald til lækkunar á greiðslubyrði óverðtryggðs húsnæðisláns og svo stigvaxandi hlutfall inn á höfuðstól

Heimilt er að nýta sér leið 1 hér að ofan og í framhaldinu að ráðstafa iðgjaldinu skattfrjálst inn á höfuðstól húsnæðisláns og/eða til greiðslu af óverðtryggðu húsnæðisláni, innan tíu ára samfellds tímabils. Viðkomandi ræður hvenær hann byrjar hið 10 ára samfellda tímabil.

Lögin tóku gildi 1. júlí 2017 og má nálgast hér.

Reikna séreignarsparnað

Ég vil fá ráðgjöf um séreignarsparnað

1. Sparnaðarleiðin

Skattfrjáls úrræði fyrir þá sem stefna á sín fyrstu fasteignakaup.
Gildir fyrir samfellt 10 ára tímabil.

Æskileg fjárfestingaleið:
Húsnæðisleið ef kaupin eiga sér stað eftir 1 ár eða lengur.
Óverðtryggður bankareikningur ef kaupin eru líkleg til að eiga sér stað innan árs.

Úrræðinu er ætlað að styðja við þá sem eru að kaupa sína fyrstu fasteign. Engin tímamörk hafa verið sett heldur eingöngu að um sé að ræða 10 ára samfellt tímabil.
Þetta nýja úrræði veitir heimild til að ráðstafa uppsöfnuðum séreignasparnaði sem safnast hefur frá 30. júní 2014 skattfrjálst til kaupa á fyrsta íbúðarhúsnæðinu. Viðkomandi ræður þó hversu langt aftur sú úttekt nær svo lengi sem það er ekki aftar en 30. júní 2014.

  • Sækja þarf um á www.leidretting.is
  • Viðkomandi þarf að vera skráður fyrir að minnsta kosti 30% í fasteigninni
  • Hámarks heimild á einstakling er 500.000 kr. á 12 mánaða tímabili
  • Hámarks heimild fyrir par er það 1.000.000 kr. skattfrjálst sem nýta má til útborgunar vegna fyrstu kaupa á 12 mánaða tímabili
  • Heimilt að nýta það sem viðkomandi hefur safnað í séreignasparnað frá 30. júní 2014
  • Hámarks heimild er 2% frá launagreiðanda og 4% af eigin iðgjaldi
  • Skilyrði að lánið veiti rétt til vaxtabóta og sé sannarlega húsnæðislán

Ath. Þetta 10 ára samfellda tímabil getur byrjað að líða t.d.15 árum eftir að viðkomandi byrjar að leggja fyrir í séreignasparnað. Heimilt er að nýta t.d. 5 ára uppsafnaðan séreignsparnað til útborgunar og næstu 5 árin má þá nýta sem innborgun á húsnæðislán, svo lengi sem um samfellt 10 ára tímabil er að ræða.

Við viljum minna á að þegar útborgun í fasteignakaup eru nýtt þá er æskilegt að breyta fjárfestingaleiðinni yfir á óverðtryggðan bankareikning, þ.e. ef nýta á úrræðið innborgun inná húsnæðislán.

Hefja séreignarsparnað

2. Innborgun á húsnæðislán

Skattfrjálst úrræði fyrir þá sem áttu fasteign 30. júní 2014 eða eiga fasteign í dag.

Æskileg fjárfestingaleið:
Óverðtryggður bankareikningur.

Núverandi úrræði hefur verið framlengt um 2 ár eða fram til 30. júní 2019, upphaflega var heimildin frá 1. júlí 2014 til 30. júní 2017.
Núverandi úrræði veitir heimild til að ráðstafa séreignasparnaði skattfrjálst inná húsnæðislán.

  • Sækja þarf um á www.leidretting.is
  • Hámarks heimild á einstakling er 500.000 kr. á 12 mánaða tímabili
  • Par eða þeir sem hafa heimild til samsköttunar hafa heimild til að nýta samtals 750.000 kr. skattfrjálst inná húsnæðislán sín á 12 mánaða tímabili. Til að virkja 750.000 kr. heimildina þá þurfa báðir aðilar að sækja um á www.leidretting.is
  • Hámarks heimild er 2% frá launagreiðanda og 4% af eigin iðgjaldi
  • Skilyrði að lánið veiti rétt til vaxtabóta og sé sannarlega húsnæðislán

Við viljum minna á að þegar þessu úrræði er lokið að endurskoða fjárfestingaleið og mælum við með Ævileiðinni fyrir þá sem eru að safna fyrir efri árin.

Hefja séreignarsparnað

3. Blandaða leiðin

Nýtt úrræði með lögum sem tóku gildi 1. júlí 2017 um stuðning til kaupa á fyrstu íbúð felur í sér heimild til að ráðstafa séreignasparnaði sem innborgun á höfuðstól og létta undir greiðslubyrði. 

Tilgangurinn er að auðvelda fyrstu íbúðarkaupendum að taka óverðtryggð lán og lækka greiðslubyrði lánsins fyrstu árin.
Fyrstu 12 mánuðina fer iðgjaldið að fullu til greiðslu reglulegrar afborgana og vaxta á óverðtryggðu húsnæðisláni en það hlutfall lækkar svo um 10% á ári en hlutfall til greiðslu inn á höfuðstól lánsins hækkar á móti.

Skilyrði fyrir nýtingu á úrræðum:

  • Um sé að ræða fyrstu íbúðakaup einstaklings
  • Einstaklingur eignist a.m.k. 30% eignarhlut í íbúð
  • Heimildin nær til 10 ára samfellds tímabils
  • Hámarksupphæð fyrir einstakling eru 500 þú.s kr. á ári.

Hefja séreignarsparnað

Ferli umsóknar

Forsenda til að nýta þessa heimild er að umsækjandi sé með samning um séreignasparnað. Hægt er að óska eftir ráðgjöf með því að fylla út formið hér ofar á síðunni. Launagreiðendur greiða reglulega iðgjöld til vörsluaðila skv. samningi á milli rétthafa og vörsluaðila. Rétthafi sækir um að nýta heimild að ráðstafa séreignarsparnaði skattfrjálst inn á lán eða til kaupa á íbúðarhúsnæði á vef Ríkisskattstjóra.Vörsluaðilar ráðstafa greiddum iðgjöldum til þeirra lánveitenda sem umsækjendur hafa valið í rafrænni umsókn hjá Ríkisskattstjóra. Lánveitendur ráðstafa greiðslum frá vörsluaðilum inn á lán.

 

* Við vekjum athygli á að endanleg útfærsla aðgerða og niðurstaða er ekki á valdi Íslandsbanka.

Fannst þér efnið á síðunni hjálplegt?
Afhverju ekki?
Hætta við

Ábending þín er notuð til að bæta gæði þjónustu og upplýsinga á vef Íslandsbanka. Vantar þig aðstoð sem krefst þess að við svörum þér má hafa samband við Þjónustuver Íslandsbanka.

Netspjall