Íslandsbanki tekur þátt í hvatningarátaki stjórnvalda og atvinnulífsins Allir vinna sem nýverið var hleypt af stokkunum. Bankinn mun bjóða einstaklingum í viðskiptum við bankann hagstæð framkvæmdalán á sérstökum kjörum:

• Engin lántökugjöld
• 5,75% óverðtryggðir vextir (kjör sambærilegra skuldabréfalána eru í dag frá 9,25%)*
• Lánstími allt að fimm ár
• Umsóknarfrestur til 30. september 2010

Hámarkslán er 1,5 milljónir króna og er veitt gegn veði til viðskiptavina með trausta viðskiptasögu.  Lán allt að 750 þúsund krónum eru veitt án veðs en að öðru leyti á sömu forsendum. Þessi lán eru veitt til framkvæmda eða endurbóta á fasteignum, lóðum eða sumarhúsum.

Afgreiðsla lánsins byggir á reikningum fyrir vöru- eða þjónustukaupum fram til 30. september.

Framkvæmdalán

Una Steinsdóttir, framkvæmdastjóri viðskiptabankasviðs:

„Við höfum lengi talað fyrir því að allir þurfi að leggjast á eitt við að koma hjólum atvinnulífsins aftur á fullt skrið. Við fögnum þessu átaki stjórnvalda og atvinnulífs sem við teljum jákvætt skref í þá átt. Við erum ánægð með að taka þátt í átakinu og okkar framlag eru lán á afar hagstæðum kjörum  til góðra verka."

allirvinna.is

*Vextir skv. vaxtatöflu Íslandsbanka 1. júlí 2010. Vextir taka mið af kjörvöxtum óverðtryggðra skuldabréfalána en veittur er 2% vaxtafrádráttur af þeim.

Til baka