Nýjungar á áheitavefnum Hlaupastyrkur.is

Ráðist hefur verið í nokkrar breytingar á áheitavefnum hlaupastyrkur.is til að auka þjónustuna enn frekar við hlaupara og velunnara þeirra. Þetta er þriðja árið sem vefurinn er í loftinu en á síðasta ári jukust áheit um tæp 50% milli ára. Hlaupastyrkur er mikilvæg fjáröflunarleið fyrir fjölda góðgerðarfélaga en á síðasta ári hlupu þátttakendur Reykjavíkurmaraþons Íslandsbanka til góðs fyrir tæplega 140 félög. 

Nú er hægt að heita á keppendur með millifærslu úr Netbankanum. Þá er einnig hægt að heita á keppendur með sms-skilaboðum og kreditkorti. Hlaupastyrkur er kominn með sérstakan snjallsímavef þar sem viðmótið er einfalt og auðvelt er að heita á hlaupara. Þá geta þátttakendur einnig útbúið sinn eigin vefborða með auðveldum hætti á vefnum. 

Góðgerðafélög sem vilja taka þátt í áheitasöfnun í tengslum við Reykjavíkurmaraþon Íslandsbanka geta skráð sig til þátttöku með því að senda póst á aheit@marathon.is. Félögin fá þá sendan um hæl samning sem þarf að fylla út og undirrita. Skráningu nýrra félaga lýkur miðvikudaginn 8.ágúst 2012.

Til baka