Íslandsbanki fjármagnar Björgunarmiðstöð Árborgar

Sveitarfélagið Árborg og Íslandsbanki undirrituðu í dag kaupsamning vegna fasteignarinnar að Árvegi 1 á Selfossi. Húsnæðið mun hýsa Björgunarfélag Árborgar, Heilbrigðisstofnun Suðurlands og Brunavarnir Árnessýslu.

Húsnæðið er ekki fullbúið en nú verður allt kapp lagt á að ljúka framkvæmdum þannig hægt verði að nýta það að fullu.

Málefni þessarar fasteignar hafa verið nokkuð til umfjöllunar á undanförnum misserum en báðir aðilar voru sammála um að mikilvægt væri að fá niðurstöðu í málið. Með þessu er búið að tryggja framtíðarhúsnæði fyrir Björgunarfélag Árborgar, Heilbrigðisstofnun Suðurlands og Brunavarnir Árnessýslu og munu leigutekjur til sveitarfélagsins standa undir afborgunum og rekstri húsnæðisins. Kaup þessi munu því ekki íþyngja sveitarfélaginu.

Eldri fréttir

Netspjall