Aðgerðir vegna peningamarkaðssjóða í samræmi við EES samninginn

Eftirlitsstofnun EFTA (ESA) hefur komist að þeirri niðurstöðu að ákvörðun þáverandi stjórnar bankans um kaup á verðbréfum af peningamarkaðssjóði hafi ekki farið í bága við EES samninginn. Í tilkynningu frá ESA kemur fram að stofnunin líti svo á að ráðstafanirnar hafi verið nauðsynlegar til að endurbyggja traust á fjármálageiranum. Úrræðin hafi verið nauðsynleg og í samræmi við meðalhóf að því marki að vernda fjárfesta fyrir enn stærra tapi á sparifé sínu. 

Niðurstaða ESA nær til átta fjárfestingarsjóða sem reknir voru af dótturfélögum viðskiptabankanna þriggja. Alls keyptu bankarnir þrír eignir að fjárhæð 82,2 milljarða króna sem voru í vörslu 8 sjóða, þar af 75,4% hjá  Nýja Landsbankanum, 15,4% hjá  Nýja Glitni (nú Íslandsbanka)og 9,2% hjá Nýja Kaupþingi (nú Arion banka) samkvæmt tilkynningu frá ESA í september 2010. 

Þegar fjármálakreppan skall á Íslandi í byrjun október 2008 frestuðu verðbréfasjóðir innlausn á hlutdeildarskírteinum til þess að tryggja jafnræði milli eigenda hlutdeildarskírteina. Verðbréfasjóðirnir voru í framhaldinu gerðir upp og eigendur hlutdeildarskírteina fengu greitt andvirði hlutdeildarskírteina sinna. Þetta gerðist að hluta til með því að bankarnir keyptu eignir (að mestu leyti innlendar eignir) í eigu sjóðanna á viðskiptalegum forsendum. Eignirnar sem voru keyptar voru metnar á faglegan hátt enda þótt það hafi verið gert á óvissutímum. Verðið sem greitt var fyrir eignirnar var ákveðið af stjórnum nýju bankanna á grundvelli verðmats utanaðkomandi ráðgjafa (endurskoðunarfyrirtækja). 

Þann 27. júní tilkynnti ESA að þær ráðstafanirnar sem gripið var til við stofnun Íslandsbanka haustið 2008 hafi einnig verið í samræmi við ríkisstyrkjareglur EES samningsins. Þannig hefur tveimur veigamiklum óvissuþáttum er varða starfsemi Íslandsbanka verið eytt. 

Birna Einarsdóttir, bankastjóri Íslandsbanka: 
„ Það er mikilvægt að komin sé niðurstaða í þessi tvö mál sem ESA hafði til rannsóknar vegna Íslandsbanka,en bankinn var fyrstur af viðskiptabönkunum þremur til að fá samþykki ESA fyrir stofnun og starfsemi bankans. Nú liggur einnig fyrir staðfesting á því að þær ráðstafanir sem bankinn greip til haustið 2008, þar sem hagsmunir um 9.000 viðskiptavina bankans voru hafðir að leiðarljósi, voru réttar.“ 

Eldri fréttir

Séreignarsparnaður borgar sig

16.04.2014
Séreignasparnaður (viðbótarlífeyrissparnaður) er ein besta sparnaðarleiðin sem völ er á. Þú leggur til 2-4% af launum og færð 2% mótframlag frá...Nánar

Íslandsbanki gefur fjölskyldum kost á að sjá Hvað ef?

16.04.2014
Íslandsbanki er aðalbakhjarl Hvað ef? - skemmtifræðslu sem er uppistand/leikrit fyrir unglinga, foreldra og kennara um þau alvarlegu málefni og...Nánar

Áhættuskýrsla Íslandsbanka komin út í fjórða sinn

11.04.2014
Íslandsbanki hefur nú gefið út Áhættuskýrslu í fjórða sinn. Skýrslan veitir markaðsaðilum upplýsingar sem auka skilning á áhættustýringu bankans og...Nánar

Frumkvöðlasjóður Íslandsbanka úthlutar 10 milljónum

06.04.2014
Fimm fyrirtæki fengu styrki úr Frumkvöðlasjóði Íslandsbanka að þessu sinni en sjóðurinn styrkir frumkvöðlaverkefni sem leggja áherslu á endurnýjanlega...Nánar

Öryggisgalli í OpenSSL hefur engin áhrif á Íslandsbanka

06.04.2014 - Fréttir VÍB
Engar þjónustur með OpenSSL veikleikanum eru í rekstri hjá Íslandsbanka. Nánar

Aðalfundur Íslandsbanka

02.04.2014
Aðalfundur Íslandsbanka var haldinn í dag, miðvikudaginn 2. apríl. Friðrik Sophusson, formaður stjórnar, flutti skýrslu stjórnar og Birna...Nánar

Niðurstöður almenns hlutafjárútboðs Sjóvár

02.04.2014
Umframeftirspurn var eftir hlutabréfum í Sjóvá í almennu hlutafjárútboði sem lauk 31. mars síðastliðinn. Nánar
Netspjall