Vodafone semur við Fyrirtækjaráðgjöf Íslandsbanka

  • Samningurinn er um umsjón með fyrirhugaðari skráningu Vodafone í kauphöllina Nasdaq OMX Iceland.
  • Stefnt er að skráningu félagsins fyrir árslok 2012.
Vodafone á Íslandi hefur ráðið Fyrirtækjaráðgjöf Íslandsbanka til að vinna að undirbúningi skráningar Vodafone í kauphöllina Nasdaq OMX Iceland. Í tengslum við fyrirhugaða skráningu er gert ráð fyrir að fram fari almennt hlutafjárútboð þar sem fjárfestum og almenningi gefst kostur á að skrá sig fyrir hlutum í félaginu. Markmiðið með skráningunni er að tryggja almenna og góða dreifingu á eignarhaldi félagsins og gefa fjárfestum kost á að fjárfesta í öflugu félagi á sviði fjarskipta.

Samhliða hefur verið samið um að Íslandsbanki annist sölu á þeim bréfum Framtakssjóðs Íslands (FSÍ) sem seld verða í útboðinu, en sjóðurinn er aðaleigandi Vodafone í dag.

Leitað var tilboða meðal þeirra aðila hér á landi sem veita ráðgjöf um skráningu á hlutabréfamarkað og var í kjölfarið ákveðið að ganga til viðræðna við Fyrirtækjaráðgjöf Íslandsbanka um að taka að sér umsjón með skráningunni. Sérfræðingar Fyrirtækjaráðgjafar Íslandsbanka hafa langa reynslu af því að vinna með fyrirtækjum við hlutafjárútboð og skráningar, bæði hér heima og erlendis. Stefnt er að skráningu félagsins fyrir árslok 2012.

Ómar Svavarsson, forstjóri Vodafone:
„Við erum afar ánægð að ganga til samstarfs við Íslandsbanka um skráningu félagsins. Framundan eru spennandi tímar fyrir Vodafone. Fyrirtækið er vel í stakk búið til skráningar á hlutabréfamarkað og tímapunkturinn er réttur til að fá fleiri fjárfesta að fyrirtækinu. Stjórnendur og starfsfólk Vodafone hlakka til að takast á við þetta verkefni. Skráningu á hlutabréfamarkað fylgir mikil ábyrgð en ég er sannfærður um að þetta skref er rökrétt fyrir áframhaldandi vöxt og uppbyggingu Vodafone á Íslandi.“

Tryggvi Björn Davíðsson, framkvæmdastjóri markaða hjá Íslandsbanka:
„Með skráningu Vodafone í Nasdaq OMX verður stigið mikilvægt skref í uppbyggingu íslensks hlutabréfamarkaðar. Vodafone hefur náð eftirtektarverðum árangri á sínum markaði og verður mjög áhugaverður kostur fyrir fjárfesta og afar góð viðbót við vaxandi flóru fjárfestingakosta hér á landi.“

Eldri fréttir

Áheitasöfnun gengur vel

28.07.2014
Áheitasöfnun Reykjavíkurmaraþons Íslandsbanka sem fram fer laugardaginn 23.ágúst 2014 fer fram á vefnum hlaupastyrkur.is.Nánar

Nýjungar í Appinu

25.07.2014
Það er komin ný útgáfa af Íslandsbanka Appinu. Nú er hægt að greiða ógreidda reikninga og stýra betur hámarksupphæð úttektar á sólarhring.Nánar

Georg vinsæll í sumarfríinu

21.07.2014
Nýja appið frá Georg og félögum hefur svo sannarlega slegið í gegn en yfir 4000 manns hafa sótt appið.Nánar

Rúmlega 7,6 milljónir hafa safnast á hlaupastyrk.is

18.07.2014
Áheitasöfnun Reykjavíkurmaraþons Íslandsbanka fer fram á vefnum hlaupastyrkur.is líkt og undanfarin ár og hafa nú þegar safnast 7,6 milljónir króna...Nánar

Um 100 starfsmenn Íslandsbanka tóku þátt í „Við bjóðum hjálparhönd“ í fyrra

17.07.2014
Um 100 starfsmann bankans veittu hjálparhönd á árinu 2013 og létu gott af sér leiða í yfir 500 vinnustundir. Nánar

Íslandsbanki hefur opnað sjálfsafgreiðslu í Kringlunni

12.07.2014
Afgreiðslu Íslandsbanka í Kringlunni hefur verið breytt í sjálfsafgreiðslu með nýjum og öflugum hraðbönkum sem gera viðskiptavinum sjálfum kleift að...Nánar

Íslandsbanki valinn besti bankinn og besti fjárfestingabankinn á Íslandi af Euromoney

11.07.2014 - Fréttir VÍB
Alþjóðlega fjármálatímaritið Euromoney hefur valið Íslandsbanka besta bankann á Íslandi annað árið í röð. Einnig hefur Íslandsbanki verið valinn besti...Nánar
Netspjall