Afrekssjóður kylfinga stofnaður

Stofnendur sjóðsins, sem hefur hlotið nafnið Forskot, eru Íslandsbanki, Eimskip, Valitor, Golfsamband Íslands og Icelandair Group. Sjóðurinn hefur það að markmiði að styðja við þá kylfinga, atvinnumenn sem og áhugamenn, sem stefna á að komast í fremstu röð í heiminum í golfíþróttinni.

Golf verður aftur keppnisgrein á Ólympíuleikunum árið 2016 eftir rúmlega100 ára hlé. Sjóðurinn styður íslenska kylfinga til að þeir geti náð því markmiði að komast á Ólympíuleikanna en til þess verða þeir að ná árangri á Evrópsku mótaröðinni eða PGA mótaröðinni. Sjóðurinn mun beina sjónum sínum að tveimur til fimm kylfingum á hverjum tíma og leitast við að gera þeim auðveldara fyrir að æfa og keppa við bestu skilyrði í samræmi við það sem gerist á alþjóðlegum vettvangi.

Stofnendur sjóðsins hafa um árabil stutt við íslenska íþróttamenn og hafa kylfingar notið góðs af stuðningi þeirra á liðnum árum. Með því að sameina krafta þessara aðila verður slagkrafturinn enn meiri og vonandi að þessi samtakamáttur fleyti okkar bestu kylfingum áfram inn á nýjar brautir.

Stofnaðilar sjóðsins leggja mikla áherslu á mikilvægi þess að sterkar fyrirmyndir og það að eiga afreksmenn í íþróttum eru eina mikilvægustu þættirnir í því að fá börn og unglinga til að sinna íþróttum. Því er litið á sjóðinn sem mikilvægt skref til að efla íþróttir barna og unglinga og hvetja þá til dáða.

Stjórn sjóðsins hefur ákveðið að styðja eftirtalda kylfinga á árinu 2012 og nemur heildarstyrkurinn um 15 milljónum króna. Þessir aðilar eru eftirfarandi:

  • Birgir Leifur Hafþórsson GKG 
  • Tinna Jóhannsdóttir GK 
  • Stefán Már Stefánsson GR 
  • Ólafur Björn Loftsson NK 
  • Þórður Rafn Gissurarson GR

Stífar kröfur eru gerðar til þessara íþróttamanna um ráðstöfun þessara styrkja og ber þeim að leggja fram æfinga- og keppnisáætlanir auk fjárhagsáætlunar fyrir verkefni sín auk þess sem gerðir eru sérstakir samningar við hvern kylfing um að þeir virði reglur Íþrótta- og Ólympíuhreyfingarinnar.

„Þessi styrkur er lífsnauðsynlegur fyrir okkur sem erum að berjast áfram í atvinnugolfinu. Að koma svona verkefni á laggirnar mun hafa í för með sér mjög jákvæða keðjuverkun fyrir alla afrekskylfinga á Íslandi. Nú er loksins komið teymi í kringum atvinnumenn, eitthvað sem hefur alltaf vantað. Þetta er hvatning til ungra og efnilegra kylfinga að æfa sig ennþá meira því atvinnumannadraumurinn er ekki langt undan,“ sagði Birgir Leifur Hafþórsson, atvinnukylfingur úr GKG og fjórfaldur Íslandsmeistari í höggleik.

Eldri fréttir

Met í maraþonþátttöku og áheitasöfnun

23.08.2014
Yfir 15 þúsund hlaupara taka þátt í Reykjavíkurmaraþoni Íslandsbanka í dag en ræst var í maraþoni, hálfmaraþoni og boðhlaupi kl. 8:40 á...Nánar

Islandsbanki hf. : Annað árshlutauppgjör 2F2014

22.08.2014 - Kauphöll
Afkoma bankans eftir skatta var jákvæð um 6,4 ma. kr. á 2F14 (2F13: 6,6 ma. kr.) og 14,7 ma. kr. á 1H2014 (1H2013: 11,2 ma. kr.)Nánar

Forskráningu í maraþonið lokið – þátttökumet í þremur vegalengdum

21.08.2014
Reykjavíkurmaraþon fer fram í 31. sinn laugardaginn 23. ágúst 2014. Forskráningu á netinu lauk kl.13 í dag. Forskráðir í ár eru alls 13.003 sem er 9%...Nánar

Bílastæði við Íslandsbanka á Kirkjusandi á Menningarnótt

20.08.2014
Á Menningarnótt verða ókeypis bílastæði á Kirkjusandi og verða þrír strætisvagnar sem ferja fólk frá Kirkjusandi að Hallgrímskirkju.Nánar

Fleiri en 10 þúsund skráðir í Reykjavíkurmaraþon Íslandsbanka

19.08.2014
Skráning í Reykjavíkurmaraþon Íslandsbanka 2014 sem fram fer laugardaginn 23.ágúst næstkomandi er í fullum gangi á vefnum marathon.is. Nánar

Forskráning í fullum gangi

19.08.2014
Forskráning í Reykjavíkurmaraþon Íslandsbanka er nú í fullum gangi á marathon.is og lýkur henni fimmtudaginn 21.ágúst kl.13. Nánar

Íslandsbanki óskar eftir að ráða framkvæmdastjóra Viðskipta og þróunar

16.08.2014
Íslandsbanki óskar eftir að ráða framkvæmdastjóra Viðskipta og þróunar. Sviðið, sem er nýtt, er sett á fót í samræmi við áherslubreytingar í stefnu...Nánar
Netspjall