Þjóðhagsspá Greiningar Íslandsbanka

  • Hagvöxtur hér á landi góður í alþjóðlegum samanburði
  • Hagvöxturinn byggður á breiðum grundvelli vaxandi einkaneyslu, fjárfestinga og útflutnings 
  • Kaupmáttur ráðstöfunartekna heldur áfram að vaxa og áfram dregur úr atvinnuleysi
  • Hækkandi eignaverð bætir eiginfjárstöðu heimilanna 
  • Frekar stöðugt gengi krónunnar innan gjaldeyrishafta
  • Verðbólgan hjaðnar en undirliggjandi kostnaðarverðbólga þrálát 

Ingólfur Bender, forstöðumaður Greiningar Íslandsbanka, kynnti nýja þjóðhagsspá á opnum fundi Íslandsbanka og VÍB, eignastýringarþjónustu Íslandsbanka, sem fjallaði um verðtryggða og óverðtryggða kosti í sparnaði og húsnæðislánum. 

Greining Íslandsbanka reiknar með 2,8% hagvexti í ár og er viðlíka hagvexti spáð á næstu tveimur árum, þ.e. 2,7% á næsta ári og 3,0% árið 2014. Samkvæmt þessu verður hagvöxtur hér á landi nokkuð góður í alþjóðlegum samanburði og nálægt þeim meðaltalshagvexti sem verið hefur hér á landi síðustu áratugina. 

Í þjóðhagsspánni er gert ráð fyrir að hagvöxturinn í ár og á næstu árum verði byggður á nokkuð breiðum grundvelli þ.e. vaxandi einkaneyslu, fjárfestingu og útflutningi. Einkaneysla muni vaxa um 3 til 3,5% á ári til ársins 2014 að mati deildarinnar. Kaupmáttur ráðstöfunartekna verður áfram vaxandi og skýrir það vöxtinn að stórum hluta. Til viðbótar mun eignaverð hækka sem bætir eiginfjárstöðu heimilanna en gert er ráð fyrir að verðhækkun íbúða verði 7 til 8% á spátímanum. Staðan á vinnumarkaði mun halda áfram að batna á næstu árum með auknum umsvifum í hagkerfinu. Atvinnuleysi mun minnka en gert er ráð fyrir að það verði 6% í ár og fari niður í 5% árið 2014. Samhliða minnkandi slaka á vinnumarkaði gerir Greiningin ráð fyrir talsverðum launahækkunum á næstunni. 

Fjárfesting hefur verið að taka við sér undanfarið. Hefur það bæði verði fjárfesting atvinnuveganna og heimilanna. Greiningin reiknar með því að framhald verði á þessu og spáir ríflega 11% vexti fjárfestinga í ár og ríflega 8% vexti á næsta ári. Stóriðjufjárfesting mun hafa umtalsverð áhrif á fjárfestingarstigið í hagkerfinu á næstu árum. Fjárfestingarstigið í hagkerfinu mun á næstu árum hækka og verða nær því sem þekkist í þróuðum ríkjum. 

Lágt raungengi mun áfram styðja við hóflega aukningu útflutnings en því til viðbótar má reikna með auknum fiskútflutningi og auknum tekjum af ferðamannaþjónustu. Greiningin spáir 3,7% vexti útflutnings vöru- og þjónustu í ár og 2,6% vexti á næsta ári. Innflutningur mun að líkindum vaxa hraðar vegna aukinnar einkaneyslu og fjárfestinga. Gert er ráð fyrir 4,8% vexti innflutnings í ár og 3,7% á næsta ári. 

Í þjóðhagsspánni er reiknað með því að gengi krónunnar haldist nokkuð stöðugt út spátímann og að það fylgi árstíðabundnum sveiflum. Reiknað er með að verðbólgan hjaðni nokkuð á næstu mánuðum en þó ekki þannig að verðbólgumarkmiði Seðlabankans verði náð á næstu árum. Greiningin spáir 5,5% verðbólgu að meðaltali í ár, 3,6% á næsta ári og 4,5% árið 2014. Í viðleitni sinni til að draga úr verðbólgunni mun Seðlabankinn halda áfram vaxtahækkunarferli sínum á næstu misserum. Undirliggjandi kostnaðarverðbólga verður þó áfram þrálát og mun bankinn ekki ná verðbólgumarkmiði sínu á næstu árum af þeim sökum. 

Myndabanki

Eldri fréttir

Met í maraþonþátttöku og áheitasöfnun

23.08.2014
Yfir 15 þúsund hlaupara taka þátt í Reykjavíkurmaraþoni Íslandsbanka í dag en ræst var í maraþoni, hálfmaraþoni og boðhlaupi kl. 8:40 á...Nánar

Islandsbanki hf. : Annað árshlutauppgjör 2F2014

22.08.2014 - Kauphöll
Afkoma bankans eftir skatta var jákvæð um 6,4 ma. kr. á 2F14 (2F13: 6,6 ma. kr.) og 14,7 ma. kr. á 1H2014 (1H2013: 11,2 ma. kr.)Nánar

Forskráningu í maraþonið lokið – þátttökumet í þremur vegalengdum

21.08.2014
Reykjavíkurmaraþon fer fram í 31. sinn laugardaginn 23. ágúst 2014. Forskráningu á netinu lauk kl.13 í dag. Forskráðir í ár eru alls 13.003 sem er 9%...Nánar

Bílastæði við Íslandsbanka á Kirkjusandi á Menningarnótt

20.08.2014
Á Menningarnótt verða ókeypis bílastæði á Kirkjusandi og verða þrír strætisvagnar sem ferja fólk frá Kirkjusandi að Hallgrímskirkju.Nánar

Fleiri en 10 þúsund skráðir í Reykjavíkurmaraþon Íslandsbanka

19.08.2014
Skráning í Reykjavíkurmaraþon Íslandsbanka 2014 sem fram fer laugardaginn 23.ágúst næstkomandi er í fullum gangi á vefnum marathon.is. Nánar

Forskráning í fullum gangi

19.08.2014
Forskráning í Reykjavíkurmaraþon Íslandsbanka er nú í fullum gangi á marathon.is og lýkur henni fimmtudaginn 21.ágúst kl.13. Nánar

Íslandsbanki óskar eftir að ráða framkvæmdastjóra Viðskipta og þróunar

16.08.2014
Íslandsbanki óskar eftir að ráða framkvæmdastjóra Viðskipta og þróunar. Sviðið, sem er nýtt, er sett á fót í samræmi við áherslubreytingar í stefnu...Nánar
Netspjall