Íslandsbanki gefur út áhættuskýrslu

Íslandsbanki hefur gefið út áhættuskýrslu í annað sinn. Í henni er að finna ítarefni um áhættustýringu og áhættumat og er henni ætlað að auka skilning og gagnsæi á áhættutöku í bankanum og eiginfjárstöðu hans. Í skýrslunni eru ítarlegar upplýsingar um áhættumynstur bankans, s.s. áhættu sem felst í breytingum á virði eigna, samsetningu skulda og aðra áhættu í daglegum rekstri. Að auki eru ítarlegri upplýsingar um lánasafn bankans en birtast í ársskýrslunni, t.a.m. þróun lánasafnsins, lánategundir, tryggingar og áhættuflokka. Greinargott yfirlit er gefið um fjárhagslega endurskipulagningu viðskiptavina bankans, þau úrræði sem þeim hafa staðið til boða og með hvaða hætti afskriftir og eftirgjafir hafa orðið til. Þá er einnig fjallað um lausafjárstýringu og fjármögnun bankans.

Íslandsbanki er eini bankinn hérlendis sem gefur út áhættuskýrslu en hún er jafnframt liður í að fullnægja þriðju stoð Basel II reglna um fjármálastarfsemi. Skýrslan var gefin út í fyrsta sinn á síðasta ári og var þá einungis aðgengileg á ensku. Hún er nú einnig gefin út á íslensku.

Skýrsluna má nálgast á vef bankans, islandsbanki.is/ahaettuskyrsla.

Sverrir Örn Þorvaldsson, framkvæmdastjóri áhættustýringar og lánaeftirlits:

„Útgáfa áhættuskýrslunnar endurspeglar það gagnsæi sem Íslandsbanki leggur áherslu á í störfum sínum. Skýrslan veitir markaðsaðilum upplýsingar sem varpa ljósi á áhættuþætti í starfsemi okkar og með hvaða hætti tekist er á við óvissuþætti í umhverfi okkar. Eins og sjá má í skýrslunni er efnahagur Íslandsbanka traustur þrátt fyrir óstöðugleika í íslensku efnahagslífi.“

Eldri fréttir

Met í maraþonþátttöku og áheitasöfnun

23.08.2014
Yfir 15 þúsund hlaupara taka þátt í Reykjavíkurmaraþoni Íslandsbanka í dag en ræst var í maraþoni, hálfmaraþoni og boðhlaupi kl. 8:40 á...Nánar

Islandsbanki hf. : Annað árshlutauppgjör 2F2014

22.08.2014 - Kauphöll
Afkoma bankans eftir skatta var jákvæð um 6,4 ma. kr. á 2F14 (2F13: 6,6 ma. kr.) og 14,7 ma. kr. á 1H2014 (1H2013: 11,2 ma. kr.)Nánar

Forskráningu í maraþonið lokið – þátttökumet í þremur vegalengdum

21.08.2014
Reykjavíkurmaraþon fer fram í 31. sinn laugardaginn 23. ágúst 2014. Forskráningu á netinu lauk kl.13 í dag. Forskráðir í ár eru alls 13.003 sem er 9%...Nánar

Bílastæði við Íslandsbanka á Kirkjusandi á Menningarnótt

20.08.2014
Á Menningarnótt verða ókeypis bílastæði á Kirkjusandi og verða þrír strætisvagnar sem ferja fólk frá Kirkjusandi að Hallgrímskirkju.Nánar

Fleiri en 10 þúsund skráðir í Reykjavíkurmaraþon Íslandsbanka

19.08.2014
Skráning í Reykjavíkurmaraþon Íslandsbanka 2014 sem fram fer laugardaginn 23.ágúst næstkomandi er í fullum gangi á vefnum marathon.is. Nánar

Forskráning í fullum gangi

19.08.2014
Forskráning í Reykjavíkurmaraþon Íslandsbanka er nú í fullum gangi á marathon.is og lýkur henni fimmtudaginn 21.ágúst kl.13. Nánar

Íslandsbanki óskar eftir að ráða framkvæmdastjóra Viðskipta og þróunar

16.08.2014
Íslandsbanki óskar eftir að ráða framkvæmdastjóra Viðskipta og þróunar. Sviðið, sem er nýtt, er sett á fót í samræmi við áherslubreytingar í stefnu...Nánar
Netspjall