Bluebird Cargo ehf. í opið söluferli

PwC hefur verið falið að annast formlegt ferli sem lýtur að mögulegri sölu á 100% hlut í Bluebird Cargo ehf., sem er í eigu SPW ehf., dótturfélags Miðengis ehf. Bluebird Cargo er íslenskt flugfélag sem sérhæfir sig í flugfrakt og blautleigu flugvéla til flutningamiðlara um allan heim, þó einkum í Evrópu.

Söluferlið er opið öllum áhugasömum fjárfestum sem uppfylla skilyrði þess að geta talist fagfjárfestar samkvæmt lögum nr. 108/2007 um verðbréfaviðskipti, hafa þekkingu og reynslu til að takast á við jafnsérhæfðan rekstur og alþjóðleg starfsemi Bluebird Cargo ehf. felur í sér og geta sýnt fram á eiginfjárstöðu umfram 500 m.kr.

Áhugasömum fjárfestum er bent á að hafa samband við PwC í síma 550 5300 eða með því að senda tölvupóst á netfangið halldor.thorkelsson@is.pwc.com eða julius.fjeldsted@is.pwc.com. Áhugasamir fjárfestar þurfa að fylla út trúnaðaryfirlýsingu ásamt því að leggja fram nauðsynlegar upplýsingar og gögn sem staðfesta að ofangreind skilyrði séu uppfyllt. Í kjölfarið fá fjárfestar afhentar frekari upplýsingar um tímasetningar og skilmála söluferlisins auk upplýsinga um fjárhag og starfsemi félagsins.

Seljandi áskilur sér rétt til að hafna öllum tilboðum, breyta söluferlinu og/ eða stöðva það eftir atvikum. Öllum þátttakendum verður tilkynnt um slíka ákvörðun og rökstuðning fyrir henni.

Nánari upplýsingar veita:

• Halldór Þorkelsson, sími 840 5229
  halldor.thorkelsson@is.pwc.com
• Júlíus Fjeldsted, sími 840 5212
  julius.fjeldsted@is.pwc.com