Hvað er samfélagsábyrgð fyrirtækja?

Festa, miðstöð um samfélagsábyrgð fyrirtækja og Samtök atvinnulífsins efna til morgunverðarfundar miðvikudaginn 15. febrúar næstkomandi á Icelandair Hótel Reykjavík Natura. Fundurinn hefst kl. 8.15 og stendur til kl. 10.00. Fjallað verður um skilgreiningu hugtaksins samfélagsábyrgð fyrirtækja út frá sjónarhorni fræðimannsins, fyrirtækja og neytenda. Róbert H. Haraldsson prófessor í heimspeki við Háskóla Íslands, Anna Björk Bjarnadóttir framkvæmdastjóri tæknisviðs Símans og stjórnarformaður Festu, Hörður Arnarson forstjóri Landsvirkjunar og Brynhildur Pétursdóttir ritstjóri Neytendablaðsins flytja erindi. Að þeim loknum fara fram pallborðsumræður.

Festa, miðstöð um samfélagsábyrgð var hóf starfsemi  í október síðastliðnum. Markmiðið með starfsemi Festu er að efla þekkingu á málefnum tengdum samfélagsábyrgð fyrirtækja. Stofnaðilar Festu eru Íslandsbanki, Síminn, Landsvirkjun, Alcan á Íslandi, Landsbankinn og Össur. Festa er með aðstöðu í Háskólanum í Reykjavík.

Nánari upplýsingar um fundinn er að finna á vef Samtaka atvinnulífsins.