Íslandsbanki opnar nýjan vef

Í dag var nýr vefur Íslandsbanka settur í loftið. Vefurinn tekur mið af talsvert breyttu skipulagi bankans eftir að tvö ný vörumerki litu dagsins ljós á síðasta ári, VÍB eignastýringarþjónusta og Ergó fjármögnun.

Megin breytingin frá eldri vef fyrir utan breytt útlit er tiltekt í efni og leiðarkerfi. Farið hefur verið í gegnum allar síður á vefnum, flokkar endurskipulagðir, síðum fækkað og textinn styttur og endurskrifaður. Þessar breytingar ættu að skila sér í notendavænni vef fyrir viðskiptavini bankans.

Helstu breytingar frá fyrri vef:

• Upphafssíða er forsíða „Einstaklinga“ sem er einn af þremur meginflokkum vefsins ásamt „Fyrirtæki“ og „Um Íslandsbanka“
• Innskráning í Netbanka hefur færst aðeins ofar hægra megin á síðunni
• Vaxtatafla er aðgengileg í töflu frá forsíðu
• Minni áhersla er á fréttir á forsíðu en meiri á vörur og þjónustu
• Yfirflokkar eru meira lýsandi en áður. Vinsælar vörur og þjónusta er dregin ofar í leiðarkerfið
• Markaðir er ný síða í samstarfi við Kelduna (keldan.is). Þar eru öllum helstu markaðsupplýsingum safnað á eina síðu
• Reiknivélar eru allar komnar í nýjan og aðgengilegri búning
• Rafrænum umsóknum hefur verið fjölgað

Við vonum að viðskiptavinum líki breytingarnar og að vefurinn sé aðgengilegri og betri í notkun en eldri vefur bankans. Allar ábendingar um virkni vefsins eru vel þegnar og má senda á netfangið vefstjori@islandsbanki.is.