Vefir Íslandsbanka í úrslitum til Íslensku vefverðlaunanna

Dómnefnd á vegum SVEF, Samtaka vefiðnaðarins, hefur valið þá vefi sem þóttu bera af á sl. ári. Veitt eru verðlaun í 7 flokkum en að auki verða veitt verðlaun fyrir bestu hönnunina, frumlegasta vefinn, athyglisverðasta vefinn og að lokum besta vef Íslands.

Tveir vefir Íslandsbanka eru tilnefndir til verðlaunanna; vefur VÍB, eignastýringaþjónustu Íslandsbanka, í flokknum Besti sölu- og kynningarvefur fyrirtækis með yfir 50 starfsmenn og m.isb.is í flokknum Besti hand-smátækjavefurinn. Einnig er hlaupastyrkur.is, áheitavefur Reykjavíkurmaraþonsins, tilnefndur í flokknum Besta markaðsherferðin.

Þetta er í ellefta sinn sem Íslensku vefverðlaunin eru veitt og fer afhendingin fram í Tjarnarbíói næstkomandi föstudag.