Úrræði fyrir fyrirtæki
- Í desember árið 2008 birti Íslandsbanki verklagsreglur á vef sínum varðandi úrræði til lausna á greiðsluvanda fyrirtækja í viðskiptum við bankann. Verklagsreglur þessar hafa nú verið uppfærðar með það að markmiði að bankinn geti betur mætt þörfum fyrirtækja í greiðsluerfiðleikum.
- Reglur þessar koma í stað áður birtra verklagsreglna og hafa að geyma upplýsingar um þau úrræði sem fyrirtækjum í greiðsluerfiðleikum standa til boða. Slík úrræði geta falið í sér eftirgjöf skulda að hluta sem og aðrar ívilnanir.
- Bankinn byggir allar ákvarðanir sínar um úrlausnir á greiðsluvanda fyrirtækja á vandlegri greiningu á fjárhagsstöðu viðskiptavinar, viðskiptasögu, formlegu áhættumati og ítarlegri skoðun á greiðsluhæfi. Þá taka ákvarðanir einnig mið af undirliggjandi áhættu og þeim tryggingum og áhættuvörnum sem eru til staðar í hverju tilviki.
Úrræði Íslandsbanka - Yfirlitsmynd
Úrræði fyrirtækja| Úrræði | Skilgreining | Fyrir hverja? | Hver eru fyrstu skref fyrirtækisins? |
|---|
| Skuldaaðlögun | Heildarlán félagsins löguð að greiðslugetu samhliða endurskipulagningu rekstrar. Möguleg eftirgjöf skulda. Fullvíst þarf að vera að ekki sé mögulegt að laga greiðslubyrði að greiðslugetu með endurfjármögnun, skilmálabreytingum eða höfuðstólslækkun. | Hentar fyrirtækjum í varanlegum greiðsluerfiðleikum þar sem skilmálabreytingar og/eða höfuðstólslækkanir erlendra lána duga ekki til. Leiðinni fylgja ýmsar kvaðir. | Kynna sér vinnuramma um skuldaaðlögun. Skoða yfirlit yfir þau gögn sem bankinn fer fram á og safna þeim saman. Hafa samband við viðskiptastjóra eða sinn tengilið í Íslandsbanka. |
| Höfuðstólslækkun erlendra lána | Höfuðstóll erlendra lána færður yfir í íslenskar krónur á lokagengi Seðlabanka Íslands þann 29. september 2008. Bankinn áskilur sér rétt til breytinga á skiptigengi og viðmiðunardegi eftir 30. júní 2010. | Höfuðstólslækkun gagnast fyrirtækjum með erlend lán sem hafa tekjur í íslenskum krónum. Hún mun í fæstum tilfellum lækka greiðslubyrði nema samhliða skilmálabreytingu. | Hafa samband við viðskiptastjóra eða sinn tengilið í Íslandsbanka. |
| Skilmálabreyting | Lenging lánstíma, tímabundin lækkun á greiðslubyrði lána, tímabundin frestun á greiðslum lána. | Hentar fyrirtækjum í tímabundnum greiðsluerfiðleikum. | Hafa samband við ráðgjafa eða sinn tengilið í Íslandsbanka. |
Úrræði sem bankinn getur verið aðili að
Úrræði sem bankinn getur verið aðili að| Úrræði | Skilgreining | Fyrir hverja? | Hver eru fyrstu skref fyrirtækisins? |
|---|
| Nauðasamningar | Sjá 3. þátt laga nr. 21/1991 um gjaldþrotaskipti o.fl. | Fyrir fyrirtæki í varanlegum greiðsluerfiðleikum þar sem önnur úrræði duga ekki til, t.d. vegna þess að ekki hefur náðst samstaða meðal kröfuhafa. | Leita aðstoðar sérfræðings/lögfræðings við gerð umsóknar til héraðsdóms og útvegun meðmæla tilskilins hluta kröfuhafa. |
| Samningur um frjáls skuldaskil | Samningur á milli lánveitenda og skuldara um uppgjör skulda. | Hentar þeim félögum sem eru í varanlegum greiðsluerfiðleikum og áðurnefnd úrræði duga ekki til. Þá þarf að ríkja fullt traust á milli samningsaðila. | Hafa samband við viðskiptastjóra eða sinn tengilið í Íslandsbanka. Leita aðstoðar sérfræðinga, s.s. lögfræðings. |
