Íslandssjóðir hf. er fjármálafyrirtæki með starfsleyfi sem rekstrarfélag verðbréfa- og fjárfestingarsjóða skv. 27. gr. laga nr. 161/2002 sbr. B-lið II. kafla laga nr. 30/2003. Félagið stýrir fjárfestingum verðbréfa- og fjárfestingarsjóða og sér að auki um fjárfestingar fyrir ISB Mutual Fund, sem starfrækir verðbréfasjóði skráða í Lúxemborg.

Íslandssjóðir hf. var upprunalega stofnað árið 1994 og nefndist þá Rekstrarfélag VÍB hf. Félagið annast daglegan rekstur Verðbréfasjóða Íslandsbanka, sbr. 17. og 18. grein laga um verðbréfasjóði nr. 30/2003, auk þess að sjá um daglegan rekstur Fjárfestingarsjóða Íslandsbanka, sem er ein sjóðsdeild. Að auki sér félagið um fjárfestingar fyrir ISB Mutual Fund, sem er verðbréfasjóður skráður í Lúxemborg. Hlutafé félagsins er 25 m.kr. Hluthafar eru tveir og er Íslandsbanki hf. skráður fyrir 99,7% af hlutafénu.

Á grundvelli 18. gr. laga um verðbréfasjóði nr. 30/2003 eru Íslandssjóðir hf. með samkomulag við Íslandsbanka um að sjá um hluta af daglegum rekstri. Eignastýring Íslandsbanka annast markaðssetningu, sölu og innlausn hlutdeildarskírteina og viðskiptaver Íslandsbanki annast bókhald sjóðsdeilda, útreikning á innlausnarvirði og viðhald skrár yfir eigendur hlutdeildarskírteina.

Íslandssjóðir starfrækir úrval skuldabréfasjóða og hlutabréfasjóða.

Nánar á vef Íslandssjóða