Reikningar

Verðtryggð innlán eru eins og nafnið gefur til kynna tryggð gegn verðbreytingum. Markmiðið með þeim er að hægt sé að kaupa það sama fyrir sparnaðinn við úttekt og hefði verið hægt að kaupa við innlögn. Það er gert með greiðslu mánaðarlegra verðbóta inn á verðtryggða reikninga. Verðbæturnar ákvarðast af breytingum á vísitölu neysluverðs. Óverðtryggð innlán hafa ekki þennan eiginleika en bera yfirleitt hærri vexti en verðtryggð innlán.

Hver er munurinn á innlánum og verðbréfasjóðum?

- Vextir á innlánum eru fyrirfram ákveðnir
- Sjóðir geta hækkað jafnt sem lækkað (skuldaraáhætta)
- Tryggingarsjóður innstæðueigenda og fjárfesta:
Lög um innstæðutryggingar
Tvær deildir: Innstæðudeild og Verðbréfadeild

Hvenær er betra að vera með sparnaðinn inn á verðtryggðum reikningum?

Þegar verðbólga er há. En hafa ber í huga að lágmarks binding á verðtryggðum reikningum er 3 ár og því er líklegt að verðbólga sveiflist mikið til á tímabili bindingar.

Hvenær er betra að vera með sparnaðinn inn á óverðtryggðum reikningum?

Vextir á óverðtryggðum reikningum eru yfirleitt hærri en á verðtryggðum reikningum og gefa því hærri raunávöxtun þegar verðbólga er lág. Aðgengi að óverðtryggðum reikningum er einnig betra þar sem yfirleitt er enginn eða skammur binditími.

Hver er munurinn á mánaðarlegum vaxtagreiðslum og árlegum vaxtagreiðslum og af hverju eru uppgefnir mánaðarvextir í vaxtatöflu lægri en ársvextir?

Í sjálfu sér er enginn annar munur en tímasetningin á útborguninni. Þ.e. vextir eru jafn háir hvort sem þeir eru greiddir mánaðarlega eða árlega.

Vextir sem greiddir eru út mánaðarlega eru lagðir við höfuðstól í upphafi hvers mánaðar þar sem sparnaðurinn (bæði höfuðstóllinn og útborgaðir vextir) halda áfram að ávaxtast, þ.e. ef ekki er tekið út af reikningi. Reikningseigandi fær þannig vaxtavexti á útborgaða vexti þannig að heildar ávöxtun á einu ári nær þeim ársvöxtum sem gefnir eru upp í vaxtatöflu.