Viðbótarlífeyrissparnaður er einhver hagstæðasti sparnaður sem völ er á

Vegna mótframlagsins og skattlagningar er viðbótarlífeyrissparnaður einhver hagstæðasti sparnaður sem völ er á. Launþegar sem ekki nýta sér þennan möguleika til aukins sparnaðar eru að missa af umsömdum launakjörum.

Ert þú að missa af launauppbót?

Hægt er að greiða allt að 6% af launum í viðbótarlífeyrissparnað og fá allt að 2% mótframlag frá launagreiðanda, samkvæmt flestum kjarasamningum.

Viðbótarlífeyrissparnaðurinn er laus til úttektar við 60 ára aldur.

Einnig er hægt að fá sparnaðinn greiddan út í reglulegum greiðslum ef til örorku kemur fyrir 60 ára aldur.

Dæmi um einstakling með 300.000 heildarlaun á mánuði

Get ég valið hvert ég greiði viðbótarlífeyrissparnað?

Já, þú ræður hvar þú ávaxtar þinn viðbótarlífeyrissparnað. Þú þarft ekki að greiða hann í sama lífeyrissjóð og þú greiðir skyldusparnaðinn.

Hvernig get ég fylgst með viðbótarlífeyrissparnaði mínum?

Í Netbanka Íslandsbanka er hægt að fylgjast með þróun  viðbótarlífeyrissparnaðar daglega og meta árangur fjárfestingarstefnunnar.  Þar getur þú séð hreyfingar og stöðu ásamt hefðbundnum yfirlitum. Þú getur borið saman launaseðla við upplýsingar á yfirlitum í Netbankanum. Aðgangur að Netbanka fæst í næsta útibúi, hjá Eignastýringu en einnig er hægt að sækja um á vefnum. Að auki eru yfirlit send út til viðskiptavina tvisvar á ári.

Hvaða fjárfestingarleið hentar mér?

Íslandsbanki hefur lagt sig fram um að greina þarfir viðskiptavina og aðstæður. Þegar þú byrjar í viðbótarlífeyrissparnaði hjá Íslandsbanka ferð þú í gegnum ítarlegt mat á viðhorfi þínu til áhættu. Viðeigandi fjárfestingarleið er valin m.a. með tilliti til niðurstöðu á mati á viðhorfi þínu til áhættu en jafnframt er tekið mið af öðrum þáttum, s.s. hversu langt er í að nýta þurfi þennan tiltekna sparnað, hvort þú átt annan viðbótarsparnað eða réttindi í lífeyrissjóðum.

Fjárfestingarleiðir

Nýttu þér þennan frábæra sparnaðarkost

• Þú gengur frá samningi um lífeyrissparnað (pdf) í næsta útibúi Íslandsbanka.
• Við sjáum um að tilkynna launagreiðanda um samninginn.
• Launagreiðandi sér um greiðslu viðbótarlífeyrissparnaðar til okkar, bæði á þínu framlagi og mótframlagi.

*Lífeyrissparnaður er skattlagður við útgreiðslur. Skattaleg meðferð ræðst af aðstæðum hvers viðskiptavinar fyrir sig og getur tekið breytingum í framtíðinni.