Óverðtryggt húsnæðislán
Íslandsbanki býður upp á tvær tegundir óverðtryggðra húsnæðislána, annars vegar með breytilegum húsnæðislánvöxtum þar sem vextir lánsins taka mið af vaxtatöflu bankans hverju sinni og hins vegar með föstum vöxtum fyrstu 3 ár lánstímans.
5,65% breytilegir vextir*
- Greiðslubyrði sveiflast í takti við gildandi vexti á hverjum tíma
- Vextirnir taka meðal annars mið af breytingum á fjármögnunarkostnaði (lánskjörum) bankans, stýrivöxtum Seðlabanka Íslands o.s.frv.
- Vaxtatöflu bankans er breytt í þessu samhengi a.m.k. 20 dögum fyrir næsta gjalddaga lánsins.
- Ekkert uppgreiðslugjald. Hægt að greiða lánið upp hvenær sem er án uppgreiðslugjalds
6,55% fastir vextir fyrstu 3 ár lánstímans*
- Stöðug greiðslubyrði fyrstu þrjú ár lánstímans
- Fastir vextir gilda í 36 mánuði frá útborgunardegi lánsins. Að þeim tíma liðnum ber að greiða breytilega vexti húsnæðislána samkvæmt vaxtatöflu á hverjum tíma.
- Uppgreiðslugjald skv. verðskrá hverju sinni (nú 2,0%). En hægt að greiða lánið upp að 3 árum liðnum án uppgreiðslugjalds
*skv. vaxtatöflu Íslandsbanka 13. apríl 2012
Lánsfjárhæð
Lánað er allt að 70% af fasteignamati ríkisins en lántakendum stendur til boða viðbótarlán upp í 80% af markaðsverðmæti íbúðarhúsnæðis. Hægt er að velja tegund viðbótarláns; breytilegir óverðtryggðir 6,15% vextir, óverðtryggðir fastir 7,45% vextir fyrstu 3 árin eða verðtryggðir 4,95% vextir með vaxtaendurskoðun eftir 5 ár.
Lágmarks lánsfjárhæð er 1 milljón kr. og hámarks lánsfjárhæð eru 50 milljónir kr. en lánsfjárhæð getur þó aldrei orðið hærri en samtala brunabótamats og lóðamats fasteignar.
Lánstími og greiðslur
Húsnæðislán innan 70% af fasteignamati er lánað til allt að 40 ára en viðbótarlán upp að 80% af markaðsverðmæti er til allt að 25 ára. Hægt er að velja á milli jafnra afborgana af höfuðstól og jafnra greiðslna (annuitet). Þó ber að hafa í huga að greiðslubyrði af lánum með jöfnum greiðslum getur breyst þegar lán eru á breytilegum vöxtum.
Kostnaður
Lántökugjald er 1,0% af lánsfjárhæð og stimpilgjald 1,5% sem rennur til ríkissjóðs. Engin stimpilgjöld eru greidd vegna kaupa á fyrstu íbúð. Þinglýsingargjald er samkvæmt gjaldskrá Sýslumannsembættis. Ekkert uppgreiðslugjald er á lánum með breytilegum vöxtum en lán með föstum vöxtum bera uppgreiðslugjald skv. verðskrá bankans hverju sinni (nú 2,0%, skv. verðskrá 1. okt. 2011).
Skilyrði fyrir lánveitingu
Húsnæðislán eru veitt einstaklingum til kaupa eða endurfjármögnunar á íbúðarhúsnæði til eigin nota. Lánað er gegn fyrsta veðrétti eða samfelldri veðröð frá og með fyrsta veðrétti og er hver umsókn metin með tilliti til lánshæfis og virði íbúðarhúsnæðis. Áður en lánsumsóknir eru samþykktar þurfa viðskiptavinir að standast greiðslumat hjá bankanum.
Spurt og svarað - Ný lán
- Lánið fer sjálfkrafa á breytilega óverðtryggða húsnæðislánavexti sem verða í gildi á þeim tíma. Viðskiptavinur getur þá sótt um annars konar fyrirkomulag á vöxtum og ræðst það af skilyrðum lánveitingar og þeim lánstegundum sem verða í boði á þeim tíma
- Þegar ákvæðum um fasta vexti lýkur getur viðskiptavinur ennfremur greitt upp lán sitt án kostnaðar
Já viðskiptavinum mun berast bréf frá bankanum þar sem tilkynnt verður um að lánið færist yfir á breytilega húsnæðislánavexti verði ekkert aðhafst, ennfremur verða þeir lánakostir sem verða þá í boði tilgreindir sérstaklega.
- Lántökugjald: 1,0% af lánsfjárhæð.
- Stimpilgjald: 1,5% af lánsfjárhæð sem rennur til ríkissjóðs. Engin stimpilgjöld eru greidd vegna kaupa á fyrstu íbúð.
- Þinglýsingarkostnaður: 2.000 kr. pr. lán.
- Útgáfa skuldabréfs: 3.900 kr. pr. lán.
- Kostnaður við greiðslumat samkvæmt verðskrá bankans hverju sinni
Engin uppgreiðsluþóknun er á húsnæðislánum með breytilegum vöxtum en uppgreiðsluþóknun húsnæðislána með föstum vöxtum fylgir verðskrá á hverjum tíma (nú 2%) en þegar að tímabili fastra vaxta lýkur fellur uppgreiðslugjaldið niður enda lánið komið á breytilega húsnæðislánavexti. Uppgreiðslugjald verðtryggðra lán fylgir einnig verðskrá á hverjum tíma, er nú 2%, en hægt að greiða upp án uppgreiðslugjalds við vaxtaendurskoðun 5 árum frá lántökudegi.
Spurt og svarað - Endurfjármögnun
Já, viðskiptavinum með verðtryggð húsnæðislán stendur til boða að endurfjármagna lánin sín með óverðtryggðum lánum. Ekki þarf að greiða uppgreiðslugjald af verðtryggðum lánum sem tekin voru fyrir 19.2.2009. Skilyrði fyrir endurfjármögnun eru þó að viðskiptavinir standist nýtt greiðslumat og fái raunhæft verðmat á eignina. Sé núverandi lán hærra en 80% af markaðsverðmæti getur viðskiptavinur engu að síður óskað eftir endurfjármögnun en þá eru útbúin þrjú ný lán sem skiptast eftir veðsetningarhlutfalli og eru á mismunandi kjörum. Það er húsnæðislán upp að 70% af fasteignamati ríkisins, viðbótarlán frá 70% af fasteignamati upp að 80% af markaðsverðmæti og svo þriðja lánið fyrir þeim lánshluta sem er umfram 80% af markaðsverðmæti.
Já gerð er krafa um að láninu sé skipt upp þannig að fyrsti hluti lánsins er upp að 70% af fasteignamati og annar hluti lánsins upp að 80% af verðmati eftir því sem við á enda eru það forsendur fyrir þeim vaxtakjörum sem ný lán bera. Ef lán er yfir 80% af markaðsverðmæti þarf að skoða umsókn sérstaklega hjá viðkomandi útibúi Íslandsbanka.
Já það er útbúið nýtt lán en það er ekki skilyrði að eldra lán sé greitt að fullu upp. Endurfjármögnun á hluta af því láni sem fyrir hvílir á eigninni er leyfð uppfylli lántaki skilyrði um veðsetningarhlutfall og greiðslugetu.
Já það er hægt að endurfjármagna lán að hluta til svo lengi sem skilyrði um veðsetningarhlutfall og greiðslugetu eru uppfyllt.
Já, mikilvægt er að allir séu greiðslumetnir þar sem greiðslubyrði viðskiptavina er í mörgum tilfellum að aukast við endurfjármögnunina.
- Lántökugjald: 0,5% af lánsfjárhæð
- Stimpilgjald: Ríkissjóður innheimtir ekkert stimpilgjald út árið 2012 þegar um endurfjármögnun á veðskuldabréfum er að ræða. Að þeim tíma liðnum er hefðbundin gjaldtaka sem samkvæmt gjaldskrá sýslumanna er 0,75% af lánsfjárhæð þegar um endurfjármögnun á veðskuldum er að ræða.
- Þinglýsingarkostnaður: 2.000 kr. pr. lán
- Útgáfa skuldabréfs: 3.900 kr. pr. lán
- Kostnaður við greiðslumat samkvæmt verðskrá bankans hverju sinni