Gjafakort

Gildistími gjafakorta er ávallt tvö ár í senn og kortið endurnýjast ekki sjálfkrafa. Eftir að kortið rennur út hefur korthafi þrjá mánuði til þess að fá eftirstöðvar kortsins endurútgefnar á nýtt gjafakort samkvæmt verðskrá Íslandsbanka. Þannig má í raun segja að gildistími kortsins sé óendanlegur svo lengi sem innstæða er á kortinu og korthafi óskar endurútgáfu innan tímamarka.

jafakort Íslandsbanka virkar eins og hefðbundið gjafakort og lítur út eins og kreditkort. Kortið má gefa til vina, vandamanna, samstarfsmanna og jafnvel barna, svo fremri sem viðtakandinn getur skrifað nafnið sitt aftan á kortið. Gefandi velur upphæðina en lætur þiggjanda ákveða hvaða gjöf skuli keypt, hvar sem er í heiminum þar sem tekið er á móti VISA kreditkortum.

Mikilvægt er að notandi viti alltaf hver innstæða kortsins er áður en það er notað. Ef korthafi reynir að kaupa fyrir hærri upphæð en innstæða gjafakortsins leyfir þá kemur synjun á kortið, þó að innstæða sé á kortinu.

Nei, kortið er örgjörvalaust og ekkert PIN númer fylgir kortinu. Kortið er notað rafrænt með því að renna segulrönd þess í posa söluaðila þegar verslað er með gjafakortinu og kvittar notandi fyrir með undirskrift. Borið hefur á því að söluaðilar í löndum þar sem örgjörvavæðing er langt á veg komin, til dæmis í Danmörku og Bretlandi, hafa neitað að taka við kortunum án þess að slegið sé inn PIN númer. Samkvæmt samningi söluaðila við VISA International ber öllum söluaðilum að taka við segulrandarkortum gegn undirskrift korthafa án þess að krefjast PIN númers. Annað telst brot á samningum og óskar VISA International eftir upplýsingum um söluaðila sem neita að taka við kortum án PIN númers. Handhafar Gjafakorta sem lenda í slíkum vandamálum eru vinsamlegast beðnir um að tilkynna verslunina til Valitor, þjónustuaðila VISA korta á Íslandi.

Hægt er að kaupa kortið í útibúum Íslandsbanka og fá það afhent samstundis í fallegum gjafaumbúðum.

Það geta allir keypt Gjafakort Íslandsbanka og ekki er nauðsynlegt að vera viðskiptavinur Íslandsbanka, né heldur þarf þiggjandi að vera í bankaviðskiptum við Íslandsbanka.

Gjafakort Íslandsbanka er fyrirframgreitt kreditkort. Í hvert sinn sem kortið er notað er hringt inn eftir heimild og því ekki hægt að "fara yfir" á kortinu.

Nei, aðeins er hægt að setja innstæðu á kortið þegar kortið er keypt í upphafi og er kortið ónýtt þegar innstæða klárast. Ekki er heldur hægt að fara í skuld á kortinu.

Stöðu kortsins og hvar það hefur verið notað er hægt að skoða á islandsbanki.is/gjafakort. Engin heimsend yfirlit fylgja kortinu.

Færslur á gjafakorti birtast næsta virka dag

Ef kort glatast er mikilvægt að láta loka kortinu með því að hringja í þjónustuver Íslandsbanka í síma 440 4000. Síðan er hægt að fá eftirstöðvar kortsins endurútgefnar á nýtt gjafakort. Til þess að láta loka kortinu er nauðsynlegt að vita númer kortsins. Til þess að fá kort endurútgefið þarf korthafi að sýna fram á að vera réttmætur eigandi kortsins.

Þegar öll innstæða kortsins klárast er ekki lengur hægt að nota kortið sem greiðslumáta og korthafa er óhætt að henda kortinu. Ekki er hægt að setja nýja innstæðu á notuð gjafakort.

Upphæðir gjafakorta geta verið frá 2.000 kr. til 100.000 kr.

Gjafakort Íslandsbanka kostar 500 kr. en er ókeypis fyrir meðlimi Vildarklúbbs Íslandsbanka. Kaupandi gjafakortsins greiðir fyrir stofnkostnað þess. Það sem borgað er fyrir er framleiðslukostnaður kortsins og þeirra gjafaumbúða sem kortið kemur í. Notandi gjafakorts borgar hins vegar ekkert fyrir notkun þess.

Kortið er hægt að nota hjá milljónum söluaðilum um allan heim sem á annað borð taka VISA kreditkort, þar á meðal á vefnum. Ekki er hægt að taka út pening í hraðbönkum eða hjá gjaldkerum í bönkum. Handhafi kortsins getur notað það eins oft og hann vill á meðan kortið er enn í gildi og innstæða er á kortinu. Í hvert sinn sem kortið er notað lækkar innstæða kortsins sjálfkrafa sem nemur þeirri upphæð sem verslað er fyrir.