Endurútreikningur bílalána

Bílalán, bílasamningar, kaupleigusamningar og einkaleigusamningar. Endurútreikningur þessara samninga er nú að mestu lokið að undanskildum einkaleigusamningur sem enn er verið að greiða af. Unnið er að því að klára þá útreikninga sem fyrst.

Þeir aðilar sem voru í fyrsta áfanga, þ.e. lán sem eru í gangi og með sama greiðanda frá upphafsdegi þess, höfðu aðgang að endurútreikningum fá 1. október til 21. nóvember á ergo.is. Þeir sem ekki nýttu sér auglýstan frest fengu senda endurútreikninga til sín ásamt nýju láni. Þeim lánum hefur nú verið breytt einhliða.

Endurútreikningar vegna uppgreiddra lána (annar áfangi) og uppgreiddra yfirtekinn lána (hluti þriðja áfanga) er nú aðgengilegir á ergo.is.

Yfirtekin lán, sem enn eru í gangi, hjá þeim aðilum sem ekki hafa sett sig í samband við Ergo fyrir 30. maí 2011 verður breytt einhliða þann dag.

Ef viðskiptavinur hefur ofgreitt af láninu á lánstíma getur hann lækkað eftirstöðvar lánsins um þá fjárhæð eða fengið ofgreiðsluna greidda inná bankareikning í sinni eigu.

Sú fjárhæð miðar við það að allir reikningar vegna útlagðs kostnaðar (t.d. tryggingaiðgjöld, bifreiðagjöld) séu greiddir og að kostnaðarliðir s.s. vegna umráðatilkynninga og skjalagerðar séu greiddir. Ef eitthvað slíkt er ógreitt þá dregst það frá þeirri upphæð sem kemur til endurgreiðslu.

Já, það verður gerður nýr samningur um eftirstöðvar. Hann verður í óverðtryggðum íslenskum krónum. Ástæðan er m.a. sú að texti eldri samningsins um vexti o.fl. er ekki miðaður við vexti Seðlabankans. Einnig verða sett fram skýrari ákvæði um leiguskilmála þar sem það á við án þess að gengið sé á rétt leigutaka. Hafi hluti eldri samningsins verið verðtryggður mun sá hluti halda sér, þ.e. aðeins erlendi hluti samningsins er endurútreiknaður. Hafi samningur verið að hluta verðtryggður en farið svo í höfuðstólslækkun mun verðtrygging halda sér til tíma höfuðstólslækkunar en svo er tekið tillit til höfuðstólslækkunarinnar og lánið reiknað sem óverðtryggt frá og með þeim tíma.

Breytingin er viðskiptavinum að kostnaðarlausu.

Á ergo.is getur viðskiptavinur valið um það hvort hann vilji halda inni þeim lengingum sem samþykktar hafa verið á samningstímanum, ef um slíkt er að ræða, eða þá að upprunalegur samningstími gildi. Kjósi viðskiptavinur að stytta lánið enn frekar þarf hann að setja sig í samband við ráðgjafa Ergo.

Ef þú ert með uppgreitt lán eða uppgreitt yfirtekið lán þá getur þú skráð þig inn á ergo.is og séð hvaða áhrif dómurinn hefur á viðkomandi lán. Þetta á eingöngu við ef um ofgreiðslu er að ræða. Þar þarftu jafnframt að veita upplýsingar um eftirfarandi:

• Gefa upplýsingar um bankareikning og greiðslan verður þá lögð inn á reikning hjá þér
• Skrá inn það netfang sem gögn vegna endurútreikninga skulu berast til

Viðskiptavinur sér um að prenta út gögn sem honum berast í kjölfarið og undirritar þau og skilar til Ergo eða í eitthvert útibú Íslandsbanka. Einnig getur þú haft samband við ráðgjafa Ergo sem aðstoða þig við að ganga frá endurútreikningi.

Greiðsluseðla vegna þeirra lána sem hafa verið í stoppi verða sendir út eftir endurútreikning.

Já

Nei, ekki verður hægt að breyta nýja samningunum á neinn hátt. Ef óskað er eftir tækjaskiptum og þau eru innan lánareglna Ergo er gerður nýr samningur miðað við vexti í verðskrá Ergo. Kostnaður við tækjaskipti er miðað við verðskrá.

Nei, ekki verður heimilað að yfirtaka samninginn. Ef nýr leigutaki er samþykktur er gerður nýr samningur miðað við vexti í verðskrá Ergo. Kostnaður við nýjan samning verður sá sami og ef um yfirtöku væri að ræða.

Nei, ekki verður heimilað að yfirtaka samninginn. Ef nýr leigutaki er samþykktur er gerður nýr samningur miðað við vexti í verðskrá Ergo. Kostnaður við nýjan samning verður sá sami og ef um yfirtöku væri að ræða.

Vanskil vegna leigugreiðslna á eldri samningi eru tekin inní endurútreikning og eru inní nýja höfuðstól lánsins. Ef einhverjir útistandandi reikningar eru vegna opinberra gjalda, trygginga eða stöðumælasekta þá verður leigutaki að greiða þá.

Ef viðskiptavinur er í skuld eftir útreikninginn þá ber hann kostnaðinn annars Ergo. Ef innheimtuþóknun hefur fallið á skuldina mun hún lækka sökum þess að hún nemur tilteknu hlutfalli af skuldinni.

Ef viðskiptavinur hefur ekki sett sig í samband við Ergo vegna endurútreikninga verður samningi viðkomandi breytt og greiðsluseðill sendur til hans ásamt upplýsingum um endurútreikning. Ef viðkomandi á inneign vegna ofgreiðslu verður sú fjárhæð notuð til lækkunar á eftirstöðvum lánsins og ef að fyrri samningur hefur verið lengdur á samningstímanum verður sú lenging látin halda sér.

Nú hafa einhliða breytingar í áfanga 1 verið framkvæmdar.

Einhliða breytingar vegna yfirtekinna lána, sem enn eru í gangi, verður breytt einhliða 30. maí 2011 hafi viðskiptavinur ekki sett sig í samband við Ergo fyrir þann tíma.

Greiðslur af upprunalega samningnum eru reiknaðar m.v. óverðtryggða vexti Seðlabankans frá gerð samningsins og er tekið tillit til breytinga á þeim vöxtum sem hafa átt sér stað á samningstímanum. Ef raungreiðslur á samningnum (það sem leigutaki hefur raunverulega greitt hingað til) eru hærri en útreiknaðar fjárhæðir þá á leigutaki inneign hjá Ergo sem hægt er að fá endurgreidda eða lækka nýja samninginn um þá fjárhæð. Ef raungreiðslur eru lægri en reiknaðar greiðslur á hluta samningstíma en hærri á öðrum hluta samningstíma þá er mismunur jafnaður út áður en til endurgreiðslu kemur, ef það á við. Ef heildar raungreiðslur leigutaka eru lægri en útreiknaðar greiðslur þá leggst sú fjárhæð við upphæð nýja samningsins. Auk þess lækkar höfuðstóll samningsins vegna brottfalls viðmiðunar við gengi erlendra gjaldmiðla.

Lykilorð hafa verið send í netbanka viðskiptavina. Þar er það annað hvort að vinna undir „Netyfirlit" eða „Rafræn skjöl". Ef þú finnur þau ekki þar þá ertu vinsamlegast beðinn um að setja þig í samband við viðskiptabankann þinn og fá nánari útskýringar.