Íslandsbanka Appið

Með Íslandsbanka Appinu geta viðskiptavinir greitt reikninga á liprari hátt en áður. Viðskiptavinir geta einnig fylgst með stöðunni á reikningum og millifært með örfáum smellum á vini og vandamenn með Hraðfærslum. 

Nýjungar í Appinu

Við kynnum reglulega nýjungar í Appinu til að létta þér lífið. Nú gera tvær nýjungar Appið enn betra.

  • Hærri úttektarheimild í Hraðfærslum (Nýtt)
  • Yfirlit og greiðsla ógreiddra reikninga (Nýtt)
  • Yfirlit og staða reikninga
  • Myntbreyta og gengi gjaldmiðla
  • Vildartilboð Íslandsbanka og fjöldi annarra aðgerða
Þjónustan er í boði fyrir alla einstaklinga með aðgang að Netbanka Íslandsbanka með Android og iPhone snjallsíma.


Sækja appið

Uppsetning og auðkenning

Það er einfalt og fljótlegt að setja Appið upp í símanum. Fyrst er Appið sótt á GooglePlay (Android) eða AppStore (iPhone).

Android
Í Android opna viðskiptavinir GooglePlay í símanum og leita eftir „Íslandsbanki“ til að finna Appið. Því næst velja notendur „Install“ til að hefja uppsetningu á Appinu.

iPhone
Í iPhone opna viðskiptavinir AppStore í símanum og leita eftir „Íslandsbanki“. Því næst velja notendur „Install“ til að hefja uppsetningu á Appinu.

Innskráning

Við innskráningu tengist Appið við Netbanka og auðkennir notanda ásamt símanum. Hér þurfa viðskipta vinir að slá inn notandanafn, lykilorð og auðkennisnúmer líkt og við innskráningu í Netbanka. Auðkennisnúmerið má fá í Auðkennislykli eða með SMS. 

Þá er valinn úttektarreikningur sem viðskiptavinir nota sem sjálfvalinn úttektarreikning við millifærslur í Appinu. 

Alltaf er hægt að breyta úttektarreikningi.


Notkun

Eftir innskráningu má nálgast stöðuna á reikningum sem viðskiptavinir hafa aðgang að í Netbanka, greiða ógreidda reikninga ásamt því að millifæra á þekkta viðtakendur og eigin reikninga með Hraðfærslum.

Einnig má í Appinu nálgast Farsímaútgáfu Netbankans með því að velja "Netbanka" í valmynd.


Öryggi

Til að tryggja öryggi upplýsinga á símanum er Appið læst með 4 stafa öryggisnúmeri. Heimildin í Appinu er í byrjun takmörkuð við 15.000 kr. á sólarhring, en viðskiptavinir geta sjálfir hækkað heimildina undir stillingar í Appinu.

Ekki er þörf á að útskrá sig úr Appinu í hvert skipti heldur nægir að loka því. Appið sér sjálft um að læsa sér 2 mínútum eftir að notandi hefur lokað Appinu.

Tapist símtækið er með einföldum hætti hægt að aftengja notanda í Netbanka Íslandsbanka undir Stillingar > App stillingar eða með því að hafa samband við Þjónustuver Íslandsbanka í síma 440 4000.

Spurt og svarað

Opna allt

Appið virkar í Android tækjum með stýrikerfi 2.3.3 og nýrra ásamt iPhone með útgáfu iOS 6.0 og upp úr.

Já, þú getur notað Appið fyrir greiðslur og yfirlit í allt að þremur tækjum með sama notendanafni. Tækin eru jafnframt skráð í Netbanka Íslandsbanka og má nálgast upplýsingar og afskrá tæki undir liðnum stillingar í Netbankanum.

Appið er viðskiptavinum að kostnaðarlausu. Einungis er greitt fyrir þann gagnaflutning sem á sér stað í gegnum 3G og WiFi við notkun Appsins. Íslandsbanka Appið er þó hannað þannig að það er bæði hraðvirkt og gagnamagni haldið í lágmarki við notkun þess. Kostnaður við SMS tilkynningar og auðkennisnúmer í SMS eru samkvæmt gjaldskrá Íslandsbanka.

Við hönnun á Appinu var beitt nýrri hugsun. Þannig er nóg fyrir notanda að loka Appinu hverju sinn og Appið sér sjálft um útskráninguna eftir að notandi hefur lokað því og opnar ekki Appið  í 2 mínútur eða lengur.

Röðun reikninga er sú sama og í Netbankanum og Netbankanum í farsímanum (m.isb.is). Til að breyta röðun reikninga geta notendur skráð sig inn í Netbanka, farið undir stillingar og þar skilgreint í hvaða röð reikningar birtast.

Appið er enn sem komið er einungis í boði fyrir einstaklinga með aðgang að Netbanka Íslandsbanka. Í Appinu geta viðskiptavinir jafnframt haft yfirlit yfir alla þá reikninga sem þeir hafa aðgang að í Netbanka einstaklinga.

Appið er ekki fáanlegt fyrir síma með Windows stýrikerfinu sem stendur. Ekki er útilokað að svo verði í framtíðinni.

Ógreiddir reikningar

Opna allt

Ógreiddir reikningar eru undanskildir úttektarheimildinni í Appinu. Þannig er hægt að greiða reikninga í Appinu fyrir hærri fjárhæðir en hámarks úttektarheimild á sólarhring í Hraðfærslum.

Í Netbankanum er hægt að breyta greiðsludagsetningu á kröfu sem komin er í greiðsluferli. Það er gert undir Yfirlit > Greiðslubeiðnir.

Hægt er að fela valkröfur sem og aðrar kröfur sem birtast í ógreiddum reikningum í Appinu. Það er gert með því að renna fingrinum til vinstri yfir þá kröfu sem þú vilt fela og velja "fela". Athugið að kröfur eru enn virkar þó búið sé að fela þær. Stundum getur því verið æskilegt að hafa samband við þann sem stofnaði kröfuna og biðja um að krafan sé felld niður ef þú heldur að um mistök sé að ræða.

Ekki er hægt að fella niður kröfur í Appinu og Netbanka. Til þess að fella niður kröfu þarft þú að hafa samband við þann sem stofnaði kröfuna og biðja um að krafan verði felld niður.

Já, hægt er að greiða einn eða fleiri reikninga í einu í Appinu. Einnig er hægt að velja um hvort reikningar greiðist samstundis eða á eindaga.

Hraðfærslur

Opna allt
Hægt er að velja um upphæð millifærsluheimildar. Í byrjun er heimildin í Appinu stillt sem 15.000 kr. á sólarhring, en viðskiptavinir geta hækkað heimildina undir stillingar (tannhjól) í Appinu. Þannig geta viðskiptavinir millifært sömu fjárhæðir og í Netbanka.
Markmið með Appinu er að geta millifært og fengið stöðuna með sem liprustum hætti. Með því að hafa úttektarreikning ákveðinn fyrirfram er ferlið stytt enn frekar. Við greiðslu á ógreiddum reikningum geta notendur breytt úttektarreikningi.
Hægt er að breyta reikningsupplýsingum ásamt öðrum upplýsingum um viðtakanda með því að smella á „Mínir viðtakendur“ sem er aðgengilegt úr aðalvalmynd greiðsluaðgerðarinnar. Við breytingar á þekktum viðtakendum þarf að staðfesta með notendanafni, lykilorði og auðkennislykli.
Þekktir viðtakendur eru sóttir í Netbankann.
Hægt er að bæta inn þekktum viðtakanda með því að smella á „Mínir viðtakendur“ í aðalvalmynd Hraðfærslna í Appinu og velja „Nýskrá“. Þegar viðtakanda er bætt við þarf að staðfesta með notendanafni, lykilorði og auðkennislykli.

Öryggi

Opna allt
Ráðstafanir hafa verið gerðar til að tryggja öryggi notenda. Auk þess er einungis hægt að greiða inn á þekkta viðtakendur. Viðskiptavinir geta stillt hámarks úttektarheimild á sólarhring í Appinu og ekki er hægt millifæra án þess að gefa upp 4 stafa öryggisnúmer. 

Ekki er hægt að breyta þekktum viðtakendum eða bæta inn nýjum nema með því að staðfesta með réttu notandanafni, lykilorði og auðkennisnúmeri.


Sem hluti af öryggisráðstöfunum og til að draga úr hættunni á innsláttarvillum við millifærslur er einungis hægt að millifæra inn á þekkta viðtakendur. Einnig er markmiðið að Hraðfærslur séu fljótlegri en hefðbundnar millifærslur og hluti af því er að hafa þá viðtakendur forskráða. Þannig geta verið mörg dæmi þess að notendur séu með fjölda þekktra viðtakenda sem þeir vilja ekki endilega hafa aðgengilega í Appinu.

Ásamt því að geta aftengt notanda í Appinu sjálfu undir liðnum stillingar, geta notendur einnig aftengt Appið undir „Stillingar > App“ í Netbankanum þínum eða haft samband við þjónustuver Íslandsbanka í síma 440-4000. Eftir það er ekki hægt að framkvæma í fjárhagslegar aðgerðir í viðkomandi tæki nema notandi skrái tækið aftur með réttu notendanafni, lykilorði og staðfesti með auðkennisnúmeri.

Appið vistar engar fjárhagslegar upplýsingar á tækinu sjálfu. Þetta er mikilvægt ef tækið tapast eða óprúttinn aðili, s.s. hakkari, kemst yfir símtækið. Upplýsingar um staðsetningu eru eingöngu vistaðar á tækinu sjálfu eins og stýrikerfi tækisins gerir kröfur um. Engar persónurekjanlegar upplýsingar um staðsetningu tækis eru sendar úr tækinu til Íslandsbanka.
Notendur geta breytt fjögurra stafa öryggisnúmeri sínu undir stillingar í Netbankanum. Til að breyta öryggisnúmerinu þarf að byrja á því að slá inn núverandi öryggisnúmer til staðfestingar.

Heimildin í Appinu er takmörkuð við 15.000 kr. á sólarhring við nýskráningu, en viðskiptavinir geta hækkað heimildina undir stillingar í Appinu. Þannir geta viðskiptavinir millifært sömu fjárhæðir og í Netbanka.

Ásamt því að geta aftengt notanda í Appinu sjálfu undir liðnum stillingar, geta notendur einnig aftengt Appið undir „Stillingar“ í Netbankanum þínum eða haft samband við þjónustuver Íslandsbanka í síma 440-4000. Eftir það er ekki hægt að framkvæma í fjárhagslegar aðgerðir í viðkomandi tæki nema notandi skrái tækið aftur með réttu notendanafni, lykilorði og staðfesti með auðkennisnúmeri.

Notendur geta slegið inn rangt öryggisnúmer alls 4 sinnum. Eftir 5 rangar tilraunir lokast fyrir aðganginn að Appinu og Netbankanum. Þetta er gert til að tryggja öryggi notenda. Viðskiptavinir geta haft samband við þjónustuver Íslandsbanka í síma 440 4000 til að fá opnað fyrir aðganginn að nýju eða komið við í næsta útibúi.

Um er að ræða öryggisráðstafanir og gert til að varna því að óprúttinn aðili geti skráð sig sem þekktan viðtakanda komist hann yfir símann og viti jafnframt fjögurra stafa öryggisnúmer notanda.
Fannst þér efnið á síðunni hjálplegt?
Afhverju ekki?
Hætta við

Ábending þín er notuð til að bæta gæði þjónustu og upplýsinga á vef Íslandsbanka. Vantar þig aðstoð sem krefst þess að við svörum þér má hafa samband við Þjónustuver Íslandsbanka.

Netspjall