Vildarklúbbur

Það eru margvíslegar leiðir til að safna Íslandsbankapunktum en þú þarft ekki að gera neitt aukalega. Þú færð punkta fyrir það eitt að vera í viðskiptum við Íslandsbanka, nota kreditkort Vildarklúbbsins og vera í fjölbreyttum viðskiptum við bankann og dótturfélög hans Ergó og VIB. Söfnunin fer stighækkandi eftir umfangi viðskipta þinna. Nánar um söfnun Íslandsbankapunkta í skilmálum Vildarklúbbsins.

Íslandsbankapunkta er hægt að innleysa með margvíslegum hætti í Netbanka Íslandsbanka, svo sem með árlegri endurgreiðslu. Einnig er hægt að auka virði punktana enn frekar með því að breyta þeim í ferðaávísun MasterCard, Vildarpunkta Icelandair, góðgerðarmál, óverðtryggðan bundinn sparnað eða vöruúttekt hjá samstarfsaðilum Vildarklúbbsins. Ferðaávísun MasterCard er bara fáanleg ef viðskiptavinur er með kreditkort frá MasterCard en Vildarpunkta Icelandair er hægt að fá óháð kortategund. Ferðaávísun gildir í tvö ár eftir að hún er keypt. Í stað þess að fá senda Ferðaávísun er einnig hægt að láta leggja andvirði hennar inn á MasterCard kreditkort, að því gefnu að búið sé að kaupa ferð með viðkomandi korti og að innan við þrír mánuðir eru liðnir frá því að ferðin var keypt. Vildarklúbburinn er tryggðarkerfi Íslandsbanka. Þú þarft að vera virkur viðskiptavinur í Vildarþjónustu Íslandsbanka til að geta innleyst punkta þína og kreditkort Vildarklúbbsins verður að vera í notkun. Þú innleysir Íslandsbankapunkta þegar þér hentar en endurgreiðslu í formi peninga er hægt að fá í febrúar ár hvert.

Til þess að safna Íslandsbankapunktum fyrir innlenda kreditkortanotkun þá þarf að nota nýtt kort Vildarklúbbsins sem þú færð við skráningu. Kreditkortið safnar aðeins punktum Vildarklúbbsins en ekki öðrum fríðindum, svo sem ferðaávísun eða punktum hjá Icelandair. Ferðaávísun og punkta hjá Icelandair er hins vegar hægt að kaupa fyrir Íslandsbankapunkta. 50% afsláttur er veittur af árgjaldi.

Tryggingar korta Vildarklúbbsins eru þær sömu og á öðrum sambærilegum kortum. Sem dæmi eru sömu tryggingar á bak við gullkort Vildarklúbbsins og annarra gullkorta. Almenn kreditkort eru með grunntryggingum, gullkort eru með góðum ferðatryggingum og platínumkort eru með víðtækum og öflugum ferðatryggingum. Nánari upplýsingar um ferðatryggingar kreditkorta má finna á vef Sjóvá.